Barcelona dhe Real Madrid kanë dhuruar spektakël, por jo gola. El Clasico i luajtur në Camp Nou, i vlefshëm për javën e 10-të të La Liga-s që u shty për arsye sigurie, është mbyllur pa fitues.
Një rezultat që mund të konsiderohet i padrejtë për madrilenët, të cilët kanë dominuar dhe kanë shkuar disa herë afër golit.
Në fakt, lojtarët e Zidane e kanë gjetur golin me Bale në minutën e 73-të, por arbitri e ka anuluar për pozicion jashtë loje. Vendim që është konfirmuar edhe nga VAR.
LAMTUMIRË REKORD – Lojtarët e Zidane kanë luajtur kundër Barçës sfidën e fundit si kampionë të botës, titull që e kanë mbajtur për 176 ndeshje radhazi.
Një ecuri e tillë, e paprecedentë, është bërë e mundur nga tri Champions League-at radhazi të fituara nga ekipi i Zidane në
2016, 2017 dhe 2018, që janë pasuar nga tre triumfe radhazi në Botërorin për Klube kundër japonezëve të Kashima Alters (2016), brazilianëve të Gremio-s (2017) dhe skuadrës së Abu Dhabi-t, Al Ain (2018).
Los Blancos do ta luajnë ndeshjen e fundit të 2019-ës kundër Bilbao-s të dielën e ardhshme, por një kampion i ri i botës do të jetë shpallur në Katar para kësaj sfide. Kampion që do të përcaktohet nga finalja që Liverpool dhe Flamengo do të luajnë 21 dhjetorin e ardhshëm.
