Një shtetas 25-vjeçar ka rënë në prangat, pasi u pikas nga banorët në tentativë për të vjedhur në 2 automjete të parkuara pranë një pallati në “Bajram Curri”.
Në momentin që kishte thyer xhamat trekëndësh të dy automjeteve një banor ka njoftuar Policinë dhe uniformat blu që patrullonte në territor e arrestuan në flagrancë.
Personi i vënë në pranga është shtetasi shtetasi Xh. Ll., 25 vjeç, lindur dhe banues në Tiranë.
Nga hetimet paraprake rezultoi se ky shtetas ka vjedhur në pesë automjete të ndryshme, në një kompleks pallatesh në Tiranë, duke përvetësuar sende të ndryshme, të cilat u sekuestruan në cilësinë e provës materiale.
Gjithashtu, po ky shtetas është autor i dyshuar i vjedhjes në dy lokale, njëri në rrugën “Dritan Hoxha” dhe tjetri në rrugën “Lavdie Petrela”, Tiranë, territor që mbulohet nga Komisariati i Policisë Nr. 3, Tiranë, njofton policia.
Materialet për veprime të mëtejshme i kaluan Prokurorisë Pranë Gjykatës së Shkallës së Parë Tiranë, për veprën penale “Vjedhja” më shumë se një herë, në ngarkim të shtetasit Xh. Ll.
