Trajneri i Francës, Didier Deschamps, i ka bërë thirrje sulmuesit Olivier Giroud, për tu larguar nga skuadra e Chelseat në muajin janar.
Në një intervistë për “The Mirror”, Deschamps deklaron:
“Situata e tij te Chelsea nuk ka ndryshuar gjatë këtyre dy muajve të fundit”.
“Do të ishte më mirë për të, që të kalonte te një klub ku të ketë më shumë hapësira. Nëse nuk e ka këtë hapësirë te Chelsea, idea është që të luajë diku tjetër. Është vendimi i tij për të gjetur një zgjidhje për situatën”.
“Nuk e di çfarë ofertash mund të ketë. Është në dorën e tij të zgjedhë zgjidhjen më të mirë për veten e tij”.
Fjalë këto të qarta në drejtim të Olivier Giroud, i cili duhet të ketë minuta në këmbët tij në mënyrë që të ketë shanse të luajë në Europianin e vitit 2020 me Francën.
