Një aksident me një person të plagosur rëndë ka ndodhur në autostradën Lezhë-Milot rreth orës 07:45.
Sipas policisë, tek “Kryqëzimi i Rriles”, automjeti me drejtues shtetasin F.D., ka përplasur shtetasen Xhuljana Doda, 17 vjeçe, ku për pasojë ka marrë dëmtime dhe është transportuar në spitalin Rajonal të Lezhës.
Drejtuesi i automjetit shtetasi F.D. është shoqëruar në Komisariat për veprime të mëtejshme hetimore.
Grupi hetimor ndodhet në vendngjarje dhe po vijon punën për sqarimin e rrethanave të ngjarjes, njoftoi policia.
