Agjenti i Cristiano Ronaldos, Jorge Mendes ka sugjeruar se 34-vjeçari mund ta përfundojë karrierën e tij te Juventusi.
Ronaldo iu bashkua klubit nga Reali i Madridit në verën e vitit 2018 duke rezultuar një goditje në shenjë për ekipin torinez.
Duke folur për “Calciomercato”, Mendes deklaroi:
“Ai është i lumtur te Juventusi, punon me një trajner të madh. Mund ta përfundojë karrierën këtu pasi ka nënshkruar një kontratë”.
Ndërsa duke folur për çmimin e Topit të Artë që i shkoi rivalit të tij, Messi-t, Mendes tha:
“Ronaldo e meritoi ta fitonte këtë çmim së paku 1 herë në 2 vitet e fundit. Nëse do të luante akoma për Real Madrid, ai do ta kishte fituar Topin e Artë”.
“Por ai mund ta fitojë vitin tjetër. Cristiano po mendon vetëm të punojë dhe ta fitojë atë çmim vitin e ardhshëm”.
