Avokati i njohur Ledio Braho tha se përgjegjësia kryesore lidhur me atë çka ka ndodhur në Durrës është IKMT.
I pranishëm në emisionin Opinion, Braho tha se në bazë të ligjit, IKMT ka kompetencë jo vetëm të bllokojë objektin, por edhe t’a shëmbë atë, nëse ka ndërhyrje.
“IKMT ka përgjegjësinë kryesore. Pavarësisht se kush ka bërë ndërhyrjen, IKMT ka të drejtën të bllokojë ndërtimin dhe në rast se konstaton se ka ndërhyrje edhe të shembë godinën”, tha Braho.
Reagimi i avokatit të njohur erdhi referuar rasteve në Durrës, kur ka pasur shembje për shkak të ndërhyrjeve në katet e para, sikundër ishte pallati 6 katësh në këtë qytet.
Braho tha se gjithashtu qeverisja vendore ka përgjegjësi të plotë lidhur me lejet e ndërtimit që ka dhënë.
