Qeveria ka paraqitur në Kuvend atë që njihet si paketa anti-shpifje, me të cilën Kryeministri pritet të godasë mediat kritike ndaj tij. Paketa në fjalë kundërshtohet nga organizata ndërkombëtare, komuniteti i gazetarëve, opozita e bashkuar, por edhe nga selia qenbdrore e OSBE-së në Vjenë.
Gazetarët kanë thirrur një protestë paraditen e së mërkurës para zyrave të Kryesisë së Kuvendit, godinës ku para 30 vitesh ishin zyrat e Komitetit Qendror të PPSH-së.
Nisma e re ligjore e Qeverisë shihet nga mediat si një nismë që e çon vendin drejt censurës dhe sulm ndaj fjalës së lirë.
E ndërsa gazetarët paralajmërojnë protestë dhe Rilindja po shkon drejt miratimit të paketës, në rrjetet sociale kanë shpërthyer memet tallëse ndaj Kryeministrit Edi Rama.
Në një rast ai krahasohet me Stalinin, ndërsa në një tjetër rast me një mulla.
