Një aksident ka ndodhur mëngjesin e sotëm në “Unazën e Re”. Një automjet është aksidentuar dhe për pasojë dyshohet se drejtuesi i saj ka mbetur i plagosur.
Sipas informacioneve paraprake, mësohet se ai është nisur me urgjencë drejt spitalit për të marrë ndihmë mjekësore.
Ndërsa policia raportohet të jetë nisur drejt vendngjarjes për të zbardhur rrethanat dhe shkaqet e aksidentit. Identiteti i të plagosurit ende nuk bëhet me dije.
Siç shihet në pamjet e siguruara nga Boldnews.al, mjeti tip “Volkswagen” ka marrë dëmtime të konsiderueshme në pjesën e përparme.
