Pas tërmetit të 26 nëntorit, kryeministri Edi Rama është shfaqur çdo ditë në media, duke trumbetuar me të madhe se qeveria ka një plan emergjencash dhe se çdo familjeje që i është prishur banesa do t’i ndërtohet një e re.
Por sa i besueshëm është kryeministri?
Kësaj pyetjeje i ka dhënë përgjigje zëdhënësja e PD, Ina Zhupa, e cila ka publikuar një video, ku tregon me zë dhe figurë se përtej fjalëve kryeministri Rama nuk shkon asnjëherë më tej.
Në videon e publikuar nga Zhupa, shihet Rama teksa ju premton banorëve të Korçës të cilët ju shembën banesat nga tërmeti i qershorit, ku ju thotë se shtëpitë do ju bëhen të reja, ndërkohë që sot ka ende shumë banorë që flenë në qiell të hapur.
Ja postimi i Zhupës:
Ja pse Rama nuk është i besueshëm as për përballimin e pasojave të tërmetit!
Deklaratat e Ramës tregojnë qartë që ai nuk ka idenë, nuk ka një plan edhe nuk ka asnjë përgjegjësi për ato që thotë në lidhje me rindërtimin pas termeteve.
Duke e nisur që nga termeti i Korçes, ai ju deklaroj banorëve që brenda verës do zgjidhej me banesa të reja dhe në vjeshtë do hynin në shtepitë e reja. Asgjë nuk ka ndodhur, sot 6 muaj mbrapa atij tërmeti. I ka mashtruar banorët e Korces.
Vazhdon ndryshon deklaratat për afatet e rindërtimit pas termetit të 26 nëntorit. Në 27 nëntor pas tërmetit të tmerrshem në Durrës deklaronte se brenda vitit 2020 do ishin banorët nëpër shtepi të reja, më pas me 14 dhjetor e shtyu duke e lënë për qershorin 2021.
Po ashtu ndryshon deklaratat për paratë që nevojiten për rindërtimin. Në parlament deklaron se mund ti bejmë me parate tona, në Turqi deklaron qe nuk i bëjmë dot me parate tona na duhen ndihma. Është i gatshëm të sakrifikoj cdo para të qytetarëve, gjelin e festave të pensionistëve, shpërblimet e administrates, rrogat e mësuesve dhe policeve por nuk pranon të preki asnjë qindarkë nga milionat e eurove te oligarkëve.
Ndiqni videon për të kuptuar se jemi përballe një kryeministri qe nuk di se cfare flet dhe nuk ka vullnetin të bëj me të mirën për shqiptarët
