Vrasja në Lushnje/ Dyshimet pse ndodhi krimi dhe dinamika

Një 52-vjeçar është qëlluar për vdekje me armë zjarri në Lushnje, brenda lokalit të tij. Viktima është Enver Boriçi, 52 vjeç. Bëhet me dije se ngjarja ka ndodhur në lagjen “Kadri Gjystri” në Lushnjë.

Krimi dyshohet se ka ndodhur gjatë natës dhe 52-vjeçari dyshohet se është ruajtur nga autorët. Viktima Enver Boriçi, ka qenë në lokalin e tij kur dyshohet se një person i maskuar ka hyrë brenda dhe ka qëlluar në drejtim të 52-vjeçarit duke e lënë të vdekur dhe më pas është larguar.

Lokali i viktimës

Në mëngjes, Boriçi u gjet i pajetë.

LEXO EDHE  George Frendo mesazh politikanëve: Viktimat e një sistemi të korruptuar janë më të varfërit

“Sot rreth orës 07:45, në lagjen lagjen ‘Kadri Gjystri’ Lushnje, në lokalin e tij është gjetur i vrarë me armë zjarri shtetasi E.B, 52 vjeç. Në vendngjarje ka shkuar grupi hetimor i cili po punon për sqarimin e rrethanave të kësaj ngjarje”, njoftoi policia.

Enver Boriçi

Enver Boriçi është vëllai i Arben Boriçit. Ky i fundit vuan dënimin për jetë në burgun e Peqinit si pjesëtar i bandës së Lushnjës dhe njihet si krahu i djathtë i drejtuesit të bandës, Aldo Bare. Vrasja e Enver Boriçit dyshohet se ka ndodhur për hakmarrje.

/Boldnews.al/