Fiorentina nuk po kalon një moment të mirë, teksa përveç rezultateve të fundit negative, nuk po gjen paqe as me dëmtimet, ku më i fundit ishte ai i Franck Ribery.
Francezi do të kryejë një ndërhyrje kirurgjikale në Gjermani ditën e sotme në këmbën e tij të djathtë dhe sipas raportimeve të fundit në media, pritet që të mungojë për gati 2 muaj. Sipas gjasave, Ribery do të rikthehet në fillim të muajin mars.
36-vjeçari kishte zhvilluar një super fillim këtë sezon, teksa mjafton të kujtojmë ndeshjen e luajtur në “San Siro” ndaj Milanit, ku shënoi një gol dhe u duartrokit nga i gjithë stadiumi në momentin që u zëvendësua. Madje, Ribery ishte shpallur edhe lojtari i muajit në shtator.
