Steven Gerrard ka nënshkruar një kontratë të re me Rangers deri në vitin 2024.
Lajmi është konfirmuar pak më parë nga vetë klubi Skocez, ku deklarata zyrtare është shpërndarë dhe në rrjetet sociale.
“Klubi i futbollit i Rangers është sot i lumtur të njoftojë se trajneri, Steven Gerrard, ka pranuar një zgjatje dy vjeçare të kontratës, çka do mbajë atë në ekip deri në verën e vitit 2024”. – njoftoi klubi në “Twitter”.
Ish-kapiteni i Liverpool-it, u caktua si trajner i Rangers, në Maj të vitit 2018, ku atëherë nënshkroi për katër vjet pra deri në vitin 2022, ndërsa sot erdhi konfirmimi i kontratës së re.
Rangers u kualifikua mbrëmjen e djeshme në fazën e eliminimit direkt të Europa League, ku i mjaftoi një barazim 1-1 në shtëpi ndaj Young Boys.
https://twitter.com/RangersFC/status/1205427345554845696
