Pas shkrirjes së Prokurorisë së Krimeve të Rënda, dosja e parë që ka kaluar në rrethe është ajo e çështjes “Toyota Yaris”
Gjykata ja ka kthyer prokurorisë për t’ia kaluar në kompetencë Prokurorisë së Durrësit.
Krimet e Rënda kanë hequr akuzën e grupit të strukturuar kriminal e për pasojë çështja nuk mund të jetë kompetencë e SPAK.
4 arrestuarit në Shqipëri, për këtë çështje janë: Edi Lika, Agim Ceka, Alban Mollaymeri dhe Klevi Lika.
Të ndaluarit akuzohen si të përfshirë në ngjarjen në të cilën u bllokuan në një automjet tip “Toyota Yaris” një sasi parash prej 3.4 milionë eurosh. Gjatë kontrollit të ushtruar në Pikën e Kalimit Kufitar Durrës në automjetin tip ‘Bizark’ të drejtuar nga shtetasi Agim Çeku dhe pronar Klevi Lika (Cani), në 2 automjete të ngarkuar në të, tip ‘Toyota’ janë gjetur një shumë e konsiderueshme eurosh dhe franga zviceriane, të padeklaruara.
