Ekipet e shpëtimit kanë gjetur mbetje njerëzore pasi një aeroplan i forcave ajrore me 38 persona në bord u zhduk të hënën.
Guvernatori i Magallanes, Jose Fernandez tha se të afërmit e të zhdukurve u informuan për gjetjen.
Forcat ajrore të Kilit thanë se mbeturinat u gjetën duke lundruar në det në zonën ku avioni C-130 Hercules humbi kontaktin.
Avioni po fluturonte drejt një baze ushtarake në Antarktik.
Guvernatori Fernandez nuk dha shumë detaje. Ai tha se informacionet i mori nga forcat ajrore duke thënë se ata gjetën disa mbeturina nga aeroplani, si edhe mbetje të njerëzve në bord.
“Është një moment i trishtueshëm,”– shtoi ai.
Guvernatori tha se një rrotë, një pjesë e mjeteve të uljes dhe trupi i aeroplanit ishin gjetur, si edhe shumë copa po lundronin në det.
Tre nga pasagjerët ishin ushtarë kilianë, dy ishin civilë të punësuar nga firma inxhinierike dhe e ndërtimit Inproser, të cilët do të kryenin punë në bazën ushtarake, një ishte student dhe 15 pasagjerët e tjerë ishin anëtarë të forcave ajrore.
LEXO EDHE:
U zhduk një ditë më parë nga radari, gjenden pjesë të avionit kilian