Një person është grabitur në Burrel këtë pasdite.
Burime nga policia lokale thanë se kanë nisur hetimet pas kallëzimit të një personi me iniciale D.B.
Ky i fundit ka deklaruar se ka tërhequr 15 mijë euro nga një bankë e nivelit të dytë në qytet. Pas ka dalë, ka hipur në makinë dhe ka vijuar rrugën që është i është prerë në afërsi të fshatit Burgajet. Aty, sipas dëshmisë, persona të maskuar e kanë kërcënuar me armë zjarri duke i marrë shumë e parave, celularin e makinën.
Autorët, ka treguar D.B. janë larguar, ndërsa ai ka bërë kallëzim në polici.
“Shtetasi D.B. është paraqitur në Komisariatin e Policisë Mat dhe ka bërë kallëzim, pasi pretendon se duke lëvizur me automjetin e tij në fshatin Burgajet, e kanë ndaluar katër persona, të cilët dyshohet se i kanë marrë me forcë një sasi vlerash monetare, celularin dhe çelsin e makinës. Shërbimet e Komisariatit të Policisë Mat, në bashkëpunim me specialistët e Hetimit të Krimit po vijojnë punën për, zbardhjen dhe dokumentimin e plotë të kësaj ngjarjeje”, thuhet në njoftimin e policisë.