Shkolla “Emin Duraku” është një nga objektet e dëmtuara nga tërmeti i 26 nëntorit. Një akt-ekspertim nga dy inxhinierë të Institutit të Ndërtimit e nxirrte objektin të papërdorshëm për shkak të dëmtimeve në strukturë.
Por me urdhër të ministres së Arsimit, Besa Shahini dhe drejtoreshës së Shkollës, Besa Traka, shkolla ka hapur dyert për nxënësit.
Në ndihmë të këtij vendimi absurd është edhe një akt-ekspertimi i dytë për shkollën, që mban firmën e drejtorit të Institutit të Ndërtimit, që e siglon shkresën edhe si inxhinier, pra personi që ka kryer kontrollin.
Sot, në një kohë kur fëmijët ndodhen në mjediset e shkollës, nis edhe rikosntruksioni i saj. Në pjesën e jashtme, sipas edhe videos së mëposhtme të siguruar nga Boldneës.al, duken punëtorë që suvajtojnë ndërtesën.
Ndërkohë që sipas dy ak-eskpertizave, godina ka probleme në paretet e katit të tretë. Ndoshta drejtuesit e shkollës, ose Bashkia e Tiranës, kanë menduar të rregullojnë fasadat që shkolla të duket e padëmtuar ose e rikonstruktuar, në një kohë që akt-ekspertizat e publikuara në Boldneës.al, qoftë i pari ashtu edhe i dyti, pavarësisht minimizimit të problemit te ky i fundit, flasin për dëmtime të godinës në pjesën e brendshme.
