Një ish-ministër i Sigurimit meksikan është arrestuar në SHBA, me akuzat për marrje rryshfeti nga një kartel droge.
Genaro García Luna akuzohet se ka lejuar kartelin Sinaloa të “El Chapo” të operojë në Meksikë në këmbim të miliona dollarëve.
Prokurorët thonë se García Luna i dha kartelit një kalim të sigurt për dërgesat e drogës dhe qasjen në informacione të ndjeshme.
Ata thonë se në dy raste anëtarët e kartelit dorëzuan deri në 5 milionë $.
Ai më parë ka mohuar çdo keqbërje.
Siç shkruan BBC, García Luna, 52 vjeç, shërbeu si shef i sigurisë publike në administrimin e Presidentit Felipe Calderon midis 2006 dhe 2012.
Arrestimi i tij në Teksas është një zhvillim i madh në politikën meksikane, raporton korrespondenti i BBC-së nga Meksika, Will Grant.
García Luna nuk ishte thjesht një figurë e rëndësishme në administratën e Calderon – ai ishte sekretari i sigurisë publike në Meksikë, fytyra e forcës federale të policisë meksikane.
Calderon, me mbështetjen e SHBA, vendosi trupa kundër kartelëve për herë të parë. Dhjetëra mijëra vdiqën në Meksikë në dhunën e lidhur me drogën gjatë “luftës së tij kundër drogës”.
