Sot është afati i fundit ku kandidatët për kreun e Strukturës së Posaçme Antikorrupsion (SPAK) duhet të paraqesin kërkesën për interes.
Deri mëngjesin e sotëm kanë paraqitur interes për kreun e SPAK tre prokurorë: Altin Dumani, Arben Kraja dhe Ervin Kondili, që te kanë kaluar procesin e vettingut në të dy shkallët.
Pas përfundimit të afatit lidhur me paraqitjen e kandidaturave, Këshilli i Lartë i Prokurorisë do të miratojë metodologjinë për përcaktimin e kandidatit fitues, të cilët ashtu siç ndodhi edhe me Prokurorin e Përgjithshëm do ti nënshtrohen një seance publike dëgjimore ku do të paraqesin platformën e tyre.
Kreu i SPAK-ut do të zgjedhë drejtuesin e Byrosë Kombëtarë të Hetimit, strukturë kjo që do të funksionojë njëkohësisht me SPAK.
Struktura e Posaçme Antikorrupsion do të nisë detyrën pas zgjedhjes së kryetarit duke marrë në dorëzim rreth 300 dosje nga Krimet e Rënda.
