Përditësuar/ Efektivë të shumtë policie kanë zbarkuar këtë pasdite në ambientet e shkollës 9-vjeçare “Emin Duraku“ në kryeqytet, duke i vënë shiritin godinës.
Edhe pse objektit i është vënë shiriti, shkolla vijon të jetë ende e hapur.
***
(16:05) Policia rrethon shkollën “Emin Duraku”
Efektivë të shumtë policie kanë zbarkuar në shkollën “Emin Duraku” në kryeqytet pasditen e sotme.
Nuk dihet ende arsyeja e pranisë së forcave të policisë, por prindërit e fëmijëve të kësaj shkolle kanë qenë të shqetësuar pas vendimit të ministres së Arsimit, Besa Shahini për hapjen e shkollës, pavarësisht dëmtimeve që ka pësuar nga tërmeti.
Shkolla 9-vjeçare i është nënshtruar dy ekspertizave, brenda 24 orësh, nga i njëjti institucion, Instituti i Ndërtimit, që ka dalë me konkluzione të ndryshme.
Kjo ka sjellë shqetësimin e prindërve të fëmijëve që mësojnë në këtë shkollë, për sigurinë e tyre.
