Karim Benzema mund t’i duhet të shfaqet në gjykatë pasi apeli i ngritur prej tij për t’i dhënë fund gjykimit që po i bëhet prej vitit 2015 është refuzuar.
Benzema është akuzuar si i përfshirë në shantazhin e bërë ndaj ish-shokut të tij të skuadrës, Mathiew Valbuena, me anë të një videoje seksuale.
Në përpjekje për tu çliruar nga ky akuzim, Benzema tentoi të bllokonte çdo gjykim, por Gjykata Supreme Franceze e refuzoi këtë apelim ditën e hënë.
Tani të gjitha provat e mbledhura janë të vlefshme, dhe sulmuesi i Real Madrid mund t’i kërkohet edhe prania e tij në gjykatë në përfundim të procedurave legale.
