Avokati Ledio Braho tregoi faktet që zbulojnë se akuzat e prokurorisë për të pandehurit e çështjes “Geron Xhafaj” nuk qëndrojnë.
I ftuar në emisionin “Top Show”, avokati Braho, duke komentuar pretencën e prokurorisë, tha se “në aspektin politik ishte e pritshme”. “Ndërsa në aspektin ligjor, shtoi, s’ka asnjë provë që ti përfshijë në kallëzim të rremë ish-deputetin Ervin Salianji dhe gazetarin Jetmir Olldashi dhe vete Alizoti ka deklaruar se nuk i ka takuar asnjëherë të dy”.
Braho u ndal te dëshmia e Fredi Alizotit dhënë për hetuesit dhe rezultati i akt-ekspertimit të audio-përgjimit. Avokati shpjegoi se si rezultatet e akt-ekspertimit rrëzojnë dëshminë e Alizotit, mbi të cilën, siç deklaroi Braho, është bazuar pretenca e prokurorisë.
“Vetë Alizoti ka deklaruar se Salianji dhe Olldashi s’ka qenë në dijeni që përgjimi është bërë nga ai. Dyshja Babale-Alizoti kanë njohje të tyre të vjetra me sa është pretenduar mes tyre nga pyetjet në prokuroi. Njohja mes tyre s’mohohet. Ajo që pretendohet është se Alizoti ka bërë një audio-përgjim, por edhe nga ana e akt-ekskretimit s’rezulton kjo. Akti-ekspertimit hedh poshtë dyshimin. Thotë se zëri i Alizotit është i ngjashëm me atë të Geron Xhafajt dhe të dy janë të ngjashëm me zërin e audio-regjistrimit. Akti thotë që biseda është bërë në këmbë se lëviz këndi i zërit, kurse Alizoti thotë që kemi qenë ulur. Akt-ekspertimi thotë që ka qenë nj person i tretë, kurse Alizoti thotë që kemi qenë vetëm të dy (ai dhe Babalja). Madje ai tha se ‘Babalaja pasi erdhi nga tualeti shtypi butonin e regjistruesit dhe më tha hajde fillojmë’, kjo s’rezulton në akt-ekspertim. Dëshmia e tij çalon. Prokuroria bazohet në dëshminë e një të pandehuri për të kërkuar dënimin, kjo s’njihet në jurisprudencën penale”, tha Braho, i cili saktësoi se i takon akuzës barra e provës.
“Prokuroria, shtoi avokati, e ka organizuar pistën sikur Salianji e ka organizuar përgjimin për të dëmtuar vëllanë e ish-ministrit të Brendshëm Fatmir Xhafaj”.
Braho u shpreh i bindur se zëri në audio-përgjim është i Geron Xhafajt.
Në studio, ishte edhe gazetari Mentor Kikia i cili e quajti Alizotin “personazh kontrovers”, duke u bazuar në “dëshmitë kontradiktore” të këtij të fundit.
