Ish-ministri socialist i Financave, Arben Malaj shprehet se rishikimi i koncesioneve në situatë emergjente si kjo e ditëve të sotme, është mëse normale.
Duke u ndalur tek argumenti se koncesionet nuk mund të rishikohen për shkak se kanë penalitet, Malaj thotë se në raste fatkeqësie natyrore, të dyja pakët fitojnë të drejta që t’i shtrijnë në kohë afatet dhe detyrimet që kanë për një moment kur situata është me e normalizuar.
“Ligji parashikon që në rast fatkeqësie natyrore, palët nuk aplikojnë penalitet, të dyja fitojnë të drejta që t’i shtrijnë në kohë afatet dhe detyrimet dhe asnjë nuk i bën presion. Psh, në Durrës ka dëme të mëdha, ka kompani që kanë kontrata ndërkombëtare, por nuk kanë punonjës më thonë, por ligji i mbron në raport me penalitet që mund t’i thonë furnitorët, se ai që ia blen mallin atij, diku e shet dhe zinxhiri është një kontratë ligjore. ligji e parashikon që palët nuk aplikojnë penalistët. Asnjë palë nuk mund të thotë meqë më ndodhi një fatkeqësi në vendin tim nuk kam të drejtë që të negociojë me ty që të shtyjë këstet e pagesave për koncesione në një kohë më normale”, tha Malaj në emisionin “5 Pyetjet”.
