Kryeministri Edi Rama ka zgjedhur që të inspektojë disa nga banesat në qytetin e Durrësit që janë prekur nga tërmeti i 26 nëntorit.
Rama ka shoqëruar një grup ekspertësh dhe inxhinierësh izraelitë, që kanë mbërritur në Shqipëri prej disa ditësh, në kuadrin e ndihmës që po i japin vendit grupe nga vende të ndryshme, pas tërmetit që shkaktoi 51 viktima dhe mbi 900 të plagosur.
E ndërsa nuk ka kursyer batutat me banorë të zonës, banesat e të cilëve pavarësisht dëmtimeve, nuk rezultojnë me probleme në strukturë, Rama është ballafaquar me një qytetar që nuk ka nguruar t’i përmendë me parrullën “Rama ik”. Një qytetar ka zgjedhur t’ia thotë në sy, ndërsa Kryeministri nuk ka qëndruar indiferent.
“Ja tani, tani, mos ki merak…”, i është përgjigjur Rama.
