Historiani Kastriot Dervishi ka reaguar në rrjetet sociale ndaj postimit të Osman Muratit, ministër i diktaturës së Enver Hoxhës, i cili në një postim në rrjet shkruan “pushtetin e kemi ne, do ju shtrydhim deri në palcë”.
Dervishi në reagimin e tij shprehet se ish-ministri i triskave, gazepllëkut e maskarallëkut të regjimit më kriminal e terrorist në gjithë Lindjen komuniste, duhet falënderuar për sinqeritetin e tij, ndonëse nuk kemi pasur ndonjëherë dyshim se raca e tyre mund të kuptonte apo përshtatej në një rend demokratik.
“Jo më kot i biri që gëzonte pushtetin e babait, kryesonte (pa e pasur detyrë) komisionet “disiplinore” në Ministrinë e Brendshme, vendimmarrja e të cilave ishte krejtësisht e paligjshme. Sot i biri është sërish drejtor në një institucion të sajuar ku nuk bëhet asgjë. Konsekuencat e pushtetit këto janë”, shkruan Dervishi.
Postimi i Kastriot Dervishit
Pushtetin e kemi ne, do ju shtrydhim deri në palcë”
Ish ministri i triskave, gazepllëkut e maskarallëkut të regjimit më kriminal e terrorist në gjithë Lindjen komuniste, duhet falënderuar për sinqeritetin e tij, ndonëse nuk kemi pasur ndonjëherë dyshim se raca e tyre mund të kuptonte apo përshtatej në një rend demokratik.
Prandaj u duhen përvjetorët komunistë dhe historia e falsifikuar komuniste. Por fakti që osmonja e quan veten në pushtet është shumë domethënës.
Jo më kot i biri që gëzonte pushtetin e babait, kryesonte (pa e pasur detyrë) komisionet “disiplinore” në Ministrinë e Brendshme, vendimmarrja e të cilave ishte krejtësisht e paligjshme. Sot i biri është sërish drejtor në një institucion të sajuar ku nuk bëhet asgjë. Konsekuencat e pushtetit këto janë.
