Petrit Vasili, nënkryetar i LSI-së, i ka kujtuar Kryeministrit Edi Rama, deklaratat që ky i fundit ka bërë për Vangjush Dakon, ish-kryebashkiakun e Durrësit.
Duke publikuar një video, ku Rama shprehet se “duken veprat dhe pa asnjë pikë dyshimi Durrësi do t’a kujtojë me gjithmonë e më shumë respekt, me gjithmonë e më shumë admirim periudhën kur Vangjush Dako drejtoi bashkinë”, Vasili fton Ramën të bëhet trim dhe t’a përsërisë atë që ka thënë për Dakon më 30 qershor.
“Po,po Edi Rama kishte të drejtë për Vangjushin !?
Pas tërmeteve të 21 shtatorit dhe 26 nëntorit, Durrësi i shkatërruar dhe i martirizuar, sigurisht do ta kujtoje shume gjatë Vangjushin…..
Prandaj është rasti që Edi Rama të bëhet trim dhe ta thotë përsëri këtë që tha për Vangjushin në 30 qershor!?
A do ta thote vallë ????”, shkruan Vasili, duke postuar videon e mëposhtme.
