Shqipëria po kalon një periudhë vërtet të vështirë pas pasojave që la tërmeti i 26 Nëntorit, që shkaktoi 51 të vdekur, qindra të plagosur dhe mijëra banorë të mbetur në qiell të hapur.
E mesa, duket në ditët kur i gjithë shteti duhet të jetë në këmbë për menaxhimin e situtës, e sidomos në ato zona ku dhe dëmet janë të mëdha, përgjegjësit e mbështetjes së popullit dëfrejnë deri në orët e vona të natës duke rrëkëllyer disa gota alkool.
Rakip Suli, kryetari i Bashkisë Kamëz, i një nga zonave të dëmtuara masivisht nga tërmeti katastrofik, duket se i ka vënë gjërat në terezi me banorët dhe tashmë i ka mbetur të kthejë disa gllënjka whiskey për të shijuar punën e mirë, edhe pse shumë banorë flenë në çadra.
Nga fotoja e mbërritur në redaksinë e JOQ ALBANIA, Suli shihet nën shoqërine disa burrave, në një nga lokalet e Bllokut, me gotat e mbushur plot me uiski.
Është propaganduar se në këto kohë shtabi i Emergjencës mblidhet shumë herë në ditë për të diskutuar mbi situatën e vështirë, ama Suli ka ditur ta mbledhë atë dhe në orët e vona të natës.
Një mbledhje, ndoshta jo e zakonshme, por në cilin vend tjetër keni parë që shtabi i emergjencave të hartojë masat me gota whiskey përpara?
