Leicester ka marrë fitoren e radhës në Premier League dhe ka ruajtur distancat me Liverpool-in kryesues.
Dhelprat kanë mposhtur pa shumë probleme 4-1 Aston Villa-n në transfertë. Protagonisti i ndeshjes ka qenë Jamie Vardy, i cili ka realizuar një dygolësh dhe tani kryeson bindshëm renditjen e golashënuesve të Premier League me 16 realizime, pesë më shumë se ndjekësi më i afërt.
Sulmuesi 32-vjeçar ka zhbllokuar ndeshjen në minutën e 20-të, teksa Iheanacho ka dyfishuar për miqtë në të 41-ën. Gjashtë minuta më vonë ka ardhur reagimi i vendasve, që kanë ngushtuar diferencat me Grealish.
Skuadra e Rodgers ka siguruar tri pikët në pjesën e dytë me Evans që ka çuar shifrat në 3-1 në të 49-ën dhe Vardy që ka kompletuar pokerin në të 75-ën.
Në dy ndeshjet e tjera të luajtura pasditen e sotme, Newcastle ka mposhtur 2-1 Southampton në shtëpi, ndërsa Sheffield United ka fituar me të njëjtin rezultat në fushën e Norwich.
