Anthony Joshua mundi Andy Ruiz në ndeshjen e dytë të zhvilluar mes tyre, duke rimarrë titujt e humbur në ndeshjen e parë.
Përgjatë 12 raundeve anglezi u shfaq dominues, duke kontrolluar ndeshjen dhe për pasojë gjyqtarët votuan në mënyrë unanime për Joshuan.
Menjëherë pas ndeshjes, 30-vjeçari u pa duke i pëshpëritur në vesh meksikanit dhe ka zbuluar se çfarë i kishte thënë.
Unë i thashë atij: ‘Kurrë mos u dorëzo. Është e vështirë. Je njeri i madh mbi të gjitha. Je kampion i madh, po ashtu’”, zbuloi Joshua.
“Po ashtu, i thashë të mos heq dorë kurrë dhe ta ndjekë ëndrrën dhe se boksi është i vështirë. Ai e ka krijuar historinë e vet, trashëgiminë e vet. Unë e kam krijuar timen sonte dhe jam i lumtur që të dy kemi mundur të luajmë rol në trashëgiminë e njëri-tjetrit. E përkëdhela në shpinë dhe i thashë se jam i sigurt se do të shihemi prapë”. deklaroi Joshua.
