Artistja e njohur ndërkombëtare, Bebe Rexha udhëtoi drejt Shqipërisë javën që kaloi për të qenë pranë banorëve të prekur nga tërmeti në zonën e Bubqit dhe në zonën e Bizës.
Bebe do të ndërtojë shtëpitë e 2 familjeve nga Bubqi të cilët janë dëmtuar rëndë nga tërmeti i 26 nëntorit.
Ajo ka dhënë për herë të parë një intervistë të mirëfilltë në Shqipëri për emisionin ‘Lart e Poshtë’ në RTSH.
E pyetur nëse prindërit apo familjarët i thonë ‘ardhsh me një burrë të mirë’ sa herë vjen në Shqipëri, ajo u përgjigjë: “Në fakt jo, këtë herë erdha shumë shpejt… por nëse këtu ka ndonjë djalë shqiptar beqar… më telefono!”
“Unë e dua shumë kulturën time… prandaj dua të gjej një djalë shqiptar por që është shumë e vështirë në Amerikë!”, tregoi Bebe, e cila e pyetur për dasmën u shpreh: “Unë dua një dasmë që zgjat 5 ditë, me lodra e tupana!”
