Nënkryetari i PD-së, Edi Paloka, ka reaguar lidhur me shembjen e godinës 15 në Qytetin Studenti, ditën e sotme, më 8 dhjetor, që shënon edhe nisjen e Lëvizjes Studentore, që vijoi me rrëzimin e diktaturës.
Godina 15 në qytetin Studenti, ishte vendi ku pedagogë e intelektualë, bashkë me studentët u mblodhën 29 vjet më parë, për themelimin e Partisë Demokratike.
“A thua një mendje perverse, tipike për Ramën dhe ata që e rrethojnë , zgjodhi qëllimisht 8 dhjetorin për ta shkatrruar ?
Nuk di nëse godina ka qenë realisht për tu shembur ( banorët këmbëngulnin që nuk kishte probleme), po edhe nëse …a nuk duket si shumë “e gjetur” data 8 dhjetor ?!”, shkruan Paloka në rrjet.
Postimi nga Edi Paloka
A thua “mendja perverse” urdhëroi qëllimisht shembjen e godinës 15 pikërisht sot më 8 dhjetor ?!
Sapo pashë një lajm që godina 15 në Q. Studenti po shembet sot nga qeveria!
Godina 15 ishte vendi ku u mblodhën fillimisht studentët dhe intelektualët që më pas vendosën krijimin e PD, të parës parti opozitare pas gati 50 vjet diktaturë.
A thua një mendje perverse, tipike për Ramën dhe ata që e rrethojnë , zgjodhi qëllimisht 8 dhjetorin për ta shkatrruar ?
Nuk di nëse godina ka qenë realisht për tu shembur ( banoret këmbëngulnin që nuk kishte probleme), po edhe nëse …a nuk duket si shumë “e gjetur” data 8 dhjetor ?!
Nga ata që po përpiqen të rikthejnë jo vetëm simbolet por dhe format represive të diktatures, gjithçka mund të pritet , për më tepër kur në krye kanë një qënie diabolike, një hakmarrës shpirtvogël si Rama !!!
Sidoqoftë, nëse mendja perverse e ka menduar dhe këtë, duhet ta dije se PD nuk ka qenë kurrë as një godinë e as vetëm një grup njerëzish, po ka qenë dhe mbetet një aspirate dhe siç kanë thënë njerëz më të mencur se unë ; aspiratat dhe idealet as nuk mund të burgosen e as nuk mund të shemben!
