Pengmarrja për 250 mijë euro/ Dy të arrestuar në Tiranë (EMRAT)

Dy persona kanë rënë në prangat e policisë, pasi akuzohen së kanë marrë peng një 23-vjeçar nga Maqedonia. Sipas kallëzimit të maqedonasit, ai është futur me forcë në një makinë dhe i është kërkuar një shumë lekësh prej 250.000 eurosh. I riu ka deklaruar se i është vënë pistoleta në kokë për ta kërcënuar. Ndërkohë, nga autorët pretendohet se bëhet fjalë për një borxh që u kishte maqedonasi.

“Në kuader të operacionit policor të koduar ‘Lake’, pas hekurva përfunduan shtetasit me inicialet Albert Xhoka, 41 vjeç, dhe Sokol Masha, 42 vjeç, banues në Tiranë. Gjithashtu u procedua në gjendje të lirë për veprën penale ‘Moskallëzim krimi’, shtetasi: S. E., 50 vjeç, lindur dhe banues në Strugë të Maqedonisë”, njoftoi policia.  “Këta tre shtetas në bashkëpunim me njëri-tjetrin i kanë hequr lirinë shtetasit maqedonas me inicialet Davor Levefski, 23 vjeç dhe nën kërcënimin e armës i kanë kërkuar një shumë prej 250 000 eurosh. Materialet procedurale iu referuan për veprime të mëtejshme Prokurorisë së Rrethit Gjyqësor Tiranë”, shtuan të njëjtat burime.

Dëshmia

23-vjeçari ka deklaruar se ka qenë pranë Kryegjyshatës kur forcerisht është futur në makine nga Albert Xhoka dhe Sokol Masha. Ai ka thënë para uniformave blu se i kanë vënë pistoleten ne koke dhe i kane kerkuar 250 mije euro.

LEXO EDHE  Alarmi për tërmet 7.5 rihter në Turqi, Sizmiologu Ormeni: Këtu mund të ndihet 5-6 ballë

Ndrkohe, burime policore thane se, gjatë kohës që mjeti i autoreve ka qenë duke u ecur drejt liqenit të Farkës, nje Patrulle e Shqiponjave ka marrë sinjalizim se në mjet qarkullonin persona të armatosur dhe i kanë bërë shenjë mjetit të ndalonte, por autorët nuk jane bindur. Policia është vënë në ndjekje të mjetit, duke i arrestuar disa km më tej. Një prej autoreve u arrestua në mjet, ndërsa tjetri u arratis në këmbë, por u kap pas disa minutash. Në mjet u gjet edhe 23 vjecari, i cili i tregoi policisë ngjarjen.

Ndersa të arrestuarit hodhen poshte akuzat pasi pretendonin se nuk ishte pengmarrje por se 23 vjecarit i kishin bere presion per kthimin e nje borxhi.

Gjithe skema e pengmarrjes u zbulua nga policia kur 23-vjecari permendi bashkekombasin e tij Subi Ethemi, i cili kishte rrolin e ndërmjetesuesit mes 2 autorëve dhe familjarëve të 23-vjeçarit për dorezimin e parave. Ky i fundit u procedua për moskallëzim krimi.