“Masakra e Reçakut është trillim”, Presidenca reagon ndaj deklaratave të Vuçiç

Dënimi me dy vite burg i ish-ministrit të Administrimit të Pushtetit Lokal, Ivan Todosijeviq nga Gjykata e Prishtinës ka ndezur replikat edhe mes Shqipërisë dhe Serbisë.

Në një deklarat për mediat, Presidenti Aleksandër Vuçiç tha se Masakra e Reçakut është një trillim duke thënë se dënimi i tij është i frikshëm.

Zëdhënësi i presidentit Ilir Meta, Tedi Blushi ka reaguar ndaj deklaratës së presidentit serb Aleksandër Vuçiç, duke shkruar se gjaku i Reçakut nuk bëhet ujë.

“GJAKU I REÇAKUT NUK BËHET UJË!
Ish-zëdhënësat e xhelatit Millosheviç dhe regjimit të tij mizor që tronditi botën me krimet monstruoze nuk mund të guxojnë më të përbuzin dhe të fyejnë viktimat e pafajshme, me deklarata të papërgjegjshme reminishencash naziskine!
Faktori ndërkombëtar duhet t’i japë përgjigjen e merituar çdo provokimi ndaj paqes e stabilitetit në rajonin tonë që i ka ende të freskëta plagët e përgjakshme të luftës.
Krimi mbetet krim! As harrohet, as vjetërohet! Sepse popujt me kujtesë të shkurtër janë të destinuar të mbeten pa histori dhe pa të ardhme!
Mirënjohje përjetë ambasadorit Walker për zbulimin dhe denoncimin para gjithë botës së Masakrës së Reçakut!
LAVDI TË PËRJETSHME MARTIRËVE TË KOSOVËS!”-
 shkruan Tedi Blushi.

LEXO EDHE  Akuzohet se abuzoi seksualisht me thjeshtrën, lihet në qeli