Kryeprokurori Olsjan Çela u shpreh nga Durrësi se hetimet kanë zbuluar shkelje ligjore te ndërtesat e shembura nga tërmeti i 26 nëntorit. Një ditë pas marrjes së detyrës, Çela mblodhi prokurorët e Durrësit për t’u njohur me ecurinë e hetimeve.
Gjatë prononcimit për mediat, kreu i organit të akuzës tha se hetimet po nxjerrin disa probleme me legjislacionin, Sipas tij, ka persona që kanë shkelur ligjin dhe për ta nuk do të ketë asnjë hezitim në përfundim të hetimeve.
Është bërë punë e mirë me hetimet. Së shpejti do të kemi rezultate konkrete. Hetimet po nxjerrin probleme të legjislacionit. Ka persona që kanë shkelur ligjin dhe përgjegjësia do të shkojë atje ku është. Nuk do ketë hezitime”, u shpreh kryeprokurori Olsjan Çela.
