Rektorati i universitetit të Tiranës ka vendosur të rifillojë procesin mësimor në datën 10 dhjetor. Vendimi i publikuar këtë të premte mban firmën e rektorit Mynyr Koni.
Drejtuesit e njësive kryesore të UT urdhërohen të paraqesin propozime konkrete për zëvendësimin e ditëve që nuk u zhvilua mësim.
Procesi mësimor u ndërpre në 26 nëntor për shkak të gjendjes së rënduar për shkak të tërmetit shkatërrimtar që goditi vendin tonë me pasojë 51 viktima.
Ndërkohë që universiteti mjekësor i Tiranës ka pezulluar mësimin pa afat për shkak të shpalljes të pabanueshme të konvikteve të këtij universiteti.
