Trajneri i Belgjikës, Roberto Martinez, e konsideron Eden Hazard si Michael Jordanin e futbollit.
Gjithashtu për trajnerin spanjoll, fitimi i “Topit të Artë” nga Hazard është lehtësisht i arritshëm.
“Unë e shoh Hazard duke fituar ‘Topin e Artë’. Eden ka potencialin për ta fituar çmimin e madh prestigjioz individual. Ajo që ka bërë deri tani është për nivelin e këtij trofeu.
“E ka treguar më së miri veten te Chelsea dhe në Francë. Starti i tij te Real Madridi? Është e vështirë për një të huaj që të jetë direkt referencë e një klubi kaq të madh, që punon për të fituar titullin. Ai është një lojtar i mrekullueshëm, një Michael Jordan i futbollit”.
