Në mbledhjene sotme të Këshillit të Ministrave, kreu i qeverisë Edi Rama nuk la pa sulmuar mediat duke njoftuar se shumë shpejt do jetë klauzola në ligjin Antishpifje, për lajme të rremë në gjendje të jashtëzakonshme.
Kryeministri tha se lajmet e rremë dhe që përhapin panik në situata të jashtëzakonshme do të jenë të superdënueshme.
“Është e denueshme shpifja dhe do të jetë e superdënueshme në situatë të jashtëzakonshme. Lajmet e rremë dhe lodrat mediatike në situata si kjo që kaluam janë kriminale. Mjafton rasti i Durrësit, një lajm kriminal i shpërndarë se po bie spitali i Durrësit solli një të vdekur e pa llogaritur kaosin e të plagosurve në përpjekjen për të ikur nga spitali, kur lajmi se po shembej spitali kur spitali nuk kishte asgjë”– tha ai.
