Mediat austriake raportojnë se mëngjesin e ditës së djeshme, Sanel Kuljiç, ish-futbollist i kombëtares austriake, është dënuar nga Gjykata Rojaona e Vjenës me 12 muaj burgim pa kushte, për shkak trafiku të lëndëve narkotike, si dhe armëmbajtje pa leje.
Ish-futbollisti u arrestua në datën 20 shtator, në butikun e gruas së tij shtatzënë në qytetin e Vjenës, teksa iu gjetën rreth 80 gramë kokainë si dhe një armë zjarri.
Disa muaj më parë se të arrestohej, ish-futbollisti bëri një rrëfim tronditës, ku akuzonte presidentë të ndryshëm klubesh, mes tyre dhe atë të Skënderbeut, Takaj, si dhe drejtuesit e federatës austriake të futbollit, për trukime ndeshjes. Këto akuza u hodhën poshtë kategorikisht nga Takaj, duke i cilësuar të gjitha akuzat e Kuljiç si shpifje.
