Një ngjarje e rëndë e regjistruar në Roskovec u raportua mëngjesin e sotëm, ku një 19-vjeçar u vu në pranga nga uniformat blu pasi kishte kryer marrëdhënie seksuale me dhunë me motrën e tij, 16-vjeçe.
Ngjarja e rëndë mësohet se ka ndodhur dy ditë më parë në fshatin Suk në një familje me pesë fëmijë, të cilët janë rezultat i dy martesave të ndryshme.
Burime bëjnë me dije se autori i ngjarjes së rëndë nuk e ka motër viktimën, pasi atë e ka sjellë me vete në shtëpi njerka. Mësohet se autori nuk e ka motër as nga nëna dhe as nga babai.
Familja ishte e varfër dhe trajtohej me ndihmë ekonomike. Babai dhe djali njiheshin si përdorues të rregullt të alkoolit.
