PSG arriti një fitore të rëndësishme ndaj Nantes, me rezultatin 2-0. Fitoren ekipit të drejtuar nga Tuchel, ia dhanë dy yjet e ekipit, Mbappe dhe Neymar.
Pjesa e parë u mbyll pa gola, ku përveç zotërimit të topit, PSG nuk u shfaq e rrezikshme. Ndërsa me fillimin e pjesës së dytë, Kylian Mbappe kaloi skuadrën në avantazh minutën e 52-të, ndërsa ndeshja u sigurua vetëm në minutën e 85-të ku Neymar u tregua i saktë nga 11-metërshi i fituar nga Icardi.
Me këtë fitore Paris Sain-Germain shkëputet sërish me 5 pikë ndaj Marseille të vendit të dytë.
Ndërkohë u rikthye te suksesi Monaco, që fitoi 1-2 në transfertën ndaj Toulouse me shifrat 1-2 me gola të Ben Yedder dhe Gelson Martins.
