Organizimi i lotarive të palejuara dhe fshehje të ardhurash, arrestohet një person (VIDEO)

Policia e Korçës ka vënë në pranga shtetasin me iniciale N.D., 29 vjeç, si edhe ka filluar procedimin penal në gjendje të lirë ndaj shtetasve M.B; K.G; P.A., A.F., O.SH., B.L., banues në Korçë.

Gjatë kontrollit të ushtruar nga blutë e Korçës në lagjen nr.13, në ambjentet e lokalit në përdorim të shtetasit N.D., u gjetën pajisje të cilat dyshohet se përdoreshin për vendosjen e basteve sportive, konkretisht një telefon celular tip “Samsung” model Galaxy J3, dy kuti me zara bixhozi, një tavolinë pokeri, si edhe një sasi prej 82 000 lekë, 105 euro dhe 20 dollarë, njoftojnë autoritetet.

LEXO EDHE  Berisha: Rama i trembur për vdekje, vrasësit e Ahmetajt, Kokës dhe Blushit të inveneratorëve gati të eleminojnë njëri-tjetrin në 25 Prill

Materialet i kaluan Prokurorisë pranë Gjykatës së Shkallës së Parë Korçë për veprat penale “Organizimi i lotarive të palejuara”, “Vënia në dispozicion e lokaleve për lojëra të palejuara” dhe “Fshehja e të ardhurave”.