Ansu Fati, 17 vjeçar, ka nënshkruar një kontratë të re me Barcelonën deri në vitin 2022 dhe klauzola e largimit të tij shkon nga 100 milionë euro në 170 milionë.
Fati kontratën e tij profesionale të parë e nënshkroi me klubin në korrik, një kontratë e cila u arrit me kushtet që presupozonte se lojtari do të luante për skuadrën e 19- vjeçarëve dhe të skuadrës B të Barcelonës.
Por që nga vera ai është bërë pjesë e skuadrës së parë, duke bërë 11 paraqitje këtë sezon,duke e detyruar Barcelonën t’i përmirësojë kontratën dhe pagën për herë të dytë brenda 6-të muajve.
Në lidhje me këtë ngjarje të madhe për të, lojtari deklaroi:
“Për mua, “La Masia”(akademia e Barcelonës) është shkolla më e mirë e talenteve. Ata më ndihmuan që në ditën e parë që mbërrita dhe i jam shumë mirënjohës të gjithëve personave që punojnë atje”.
“Të punosh çdo ditë me më të mirët është një ëndërr dhe një shpërblim. Nga tani e tutje, ajo që duhet të bëj është të punoj më shumë se kurrë, për të pasur mundësi për tu aktivizuar. Pjesa tjetër do të vijë me kalimin e kohës”.
