Policia Bashkiake arriti pas disa orësh të nxjerrë jashtë godinës 15 në Qytetin Studenti, disa familje të pastreha, që jetojnë atje prej vitesh. Mes tyre është edhe aktivistja Ajtanga Lubonja, ish-e persekutuar e regjimit diktatorial.
Policia ka nxjerrë jashtë banorët me argumentin se godina është dëmtuar nga tërmeti i 26 nëntorit.
Në Qytetin Studenti ka shkuar ish-deputetja e PD-së, Albana Vokshi, por edhe deputetja socialiste Vasilika Hysi.
Banorët nuk kanë pranuar të dalin nga godina deri në momentin që shteti t’i garantojë strehim. Në mbështetje të tyre është shprehur edhe Vokshi, por deputetja socialiste Hysi e ka akuzuar për ndërhyrje politike, ndërkohë që 95 familjet e strehura në këtë ndërtesë, kanë marrë garanci nga një ekspertizë private se objekti është jashtë rrezikut
Debati mes Albana Vokshit dhe Vasilika Hysit:
Vasilika Hysi: Ik po të duash shko bëj politikë.
Albana Vokshi: Po lëre politikën…
Vasilika Hysi: Unë kam 4 ditë në Thumanë e ti ke qenë duke fjet…
Albana Vokshi: Jo, jo. Ku e di ti? Më ke majt ti mu ee? Ouu, paskam qenë unë duke fjet… Ku e ke ti Thumanën mi? Të të vijë turp ty që përmend Thumanën se ka edhe viktima. Aktin e ekspertimit ju lutem na e jepni për banorët.
Drejtoresha: Hajde shikoje.
Albana Vokshi: Jo, jo. Na e jep. Tani na e jep.
