Policia e Veliajt shkoi t’i nxjerrë nga godina 15, apeli i fortë i Ajtanga Lubonjës

Policia ka shkuar të nxjerrë jashtë godinës 15 në Qytetin Studenti banorë që jetojnë prej kohësh në këtë ndërtesë.

Policia ka kërkuar nga banorët që të lënë godinën me pretendimin se ka pësuar dëmtime nga tërmeti i 26 nëntorit.

Nga ana e tyre familjarët kanë refuzuar urdhrin e policisë, duke theksuar se ndërtesa nuk ka pësuar dëmtime.

Ndërkohë një prej banorëve që banon në këtë godinë është edhe Ajtanga Lubonja, ish-e persekutuar e regjimit diktatorial, dhe një prej aktivisteve të shoqërisë civile, në vitet e fundit.

LEXO EDHE  Pasojat e tërmeteve/ Psikiatria: Kthejuni hobeve, komunikoni me fëmijët

E sëmurë prej kohësh dhe jashtë vëmendjes së institucioneve të shtetit, Lubonja përmes një postimi në rrjet ka drejtuar një apel të fortë.

“Do vdes dhe nuk dal pa më dhënë shtëpi”, shkruan Lubonja në një postim, që ia drejton opinionit publik dhe institucioneve të shtetit.