Presidentja e Komisionit Europian Ursula Von der Leyen gjatë një bisede telefonike me Kryeministrin Edi Rama e ka njoftuar këtë të fundit për donacionin prej 15 milion eurosh që KE do të japë për Shqipërinë.
Von der Leyen thotë se Bashkimi Europian do të organizojë edhe një konferencë donatorësh për të ndihmuar në rindërtimin e Shqipërisë.
“Sapo fola me kryeministrin Edi Rama dhe e njoftova atë se Komisioni Europian premton 15 milion euro për mbështetje të menjëhershme për popullin shqiptar.
Për më tepër, BE do të organizojë një konferencë të donatorëve për të ndihmuar #Shqipërinë në rindërtim”, shkruan presidentja e KE, Von der Leyen.
