Gazetari Ylli Dylgjeri ka ironizuar ministren e Shtetit, Elisa Spiropali, një ndër më aktivet në akuzat dhe reagimet e Qeverisë, pas paralajmërimeve të Presidentit Ilir Meta, i cili muaj më parë kërkoi marrjen e masave pasi vendi mund të goditej nga një tërmet i fortë.
“Baba Xhike të kemi rixha, nxirr një dekret e shtyje atë tërmet se na le pa gjumë. Kjo ishte batuta më e bukur e rrjetit për parashikuesin e parë në botë të tërmetit”, ishte reagimi i ministres së Ramës, në kohën kur Presidenti bëri paralajmërimin.
Ndërkohë rreth 1 javë pas tërmetit të 26 nëntorit me magnitudë 6.4 të Shkallës Rihter që goditi Shqipërinë dhe që shkaktoi 51 viktima, gazetari Ylli Dylgjeri në një postim në rrjet shkruan “jam kurioz, sa u tund Elisa”.
“Sa u tund Elisa? Po, po, Elisa Spiropali?
Si e ndau riskun sizmik ? Sa u lëkund ? Sa objekte iu prishën? Sa humbi nga kjo tundje?
Tjetër;
A e kujtoi pak Presidenti Meta pas tundjes?
A e kujton Thirrjen e Tij për të marrë masa nga një tërmet i mundshëm? A e ke më rixha Baba Liken?
Nëse po. Na trego tani Elisa”, shkruan Dylgjeri në reagimin e tij.
Postimi nga Ylli Dylgjeri
Pas tërmetit të 26 nëndorit u tund dheu, u tund Durrësi, Tirana, e u tund gjithçka.Tërmeti mori dhe shumë jetë e shkatërroi qindra e mijra ndërtime kudo. Kjo ishte dhimbje kjo ishte tragjedi…Një tragjedi e paralajmëruar, por e anatemuar, e tallur e ironozuar nga Qeveria.
Sot, pas Tij Qeveria po bën bilancin e tundjes, e dridhjes së atij Termeti. Shifrat po dalin çdo ditë, por ajo që spo thuhet është një pyetje që më mbeti pishman:
Sa u tund Elisa? Po, po, Elisa Spiropali?
Si e ndau riskun sizmik ? Sa u lëkund ? Sa objekte iu prishën? Sa humbi nga kjo tundje?
Tjetër;
A e kujtoi pak Presidenti Meta pas tundjes?
A e kujton Thirrjen e Tij për të marrë masa nga një tërmet i mundshëm? A e ke më rixha Baba Liken?
Nëse po. Na trego tani Elisa.
