Gareth Bale ka pranuar që me kalimin e kohës ka mësuar se si të përballojë pakënaqësitë e fansave në “Santiago Bernabeu”.
Anësori Uellsian ka dhënë një intervistë për “BT Sport”, ku ka folur për fishkëllimat nga tifozët e Real Madridit dhe emërimin e Jose Mourinhos si trajner i Tottenhamit.
“Hera e parë që ndodhi (fishkëllimat), ishte një shok për mua”.
“Nuk dija se si të reagoja, por ndërsa vitet kalonin dhe ajo gjë u përsërit disa herë, gradualisht e kupton mënyrën se si duhet ti qasesh”.
“Tani nuk i kushtoj rëndësi. Në një mënyrë e marr edhe si respekt pasi tregon që lojtarët më të mirë fishkëllehen nëse ata nuk performojnë në fushën e lojës, gjë që e kuptoj”.
“Thjesht më duhet të punoj fort , t’i provoj fansave çfarë mund të bëj dhe gradualisht pakënaqësitë e tyre ndalojnë dhe karriera vijon normalisht”.
Ndërsa i pyetur për kalimin e Jose Mourinhos te Tottenham, ish-skuadra e tij, ai deklaron:
“Duke caktuar Mourinhon si trajner të skuadër, Tottenham ka lëshuar një mesazh të fortë për rivalët”.
“Ai është një fitues serial. Tottenhami dëshiron të fitojë trofe dhe nuk mendoj se mund të ketë partneritet më të mirë sesa Tottenhami me Mourinhon për të fituar trofe”.
