Virgil Van Dijk nuk u shpreh aspak i trishtuar që humbi mundësinë për të fituar Topin e Artë, duke deklaruar se Messi si lojtar madhështor që është e meritoi çmimin.
Ndërsa për yllin e Barcelonës pati lëvdata, nuk mund të thuhet e njëjta gjë për Cristiano Ronaldon, ku mbrojtësi i Liverpulit nuk e konsideronte aspak rival në luftën për trofeun.
“Ishte një vit i mrekullueshëm, por fituesi i çmimit ishte një lojtar i pazakontë. Kështu që duhet të respektosh madhështinë. Unë isha afër por dikush ishte më i mirë se unë”.
Ndërsa i pyetur nëse mungesa e Ronaldos në ceremoni, një arsye për një rival më pak për tu shqetësuar, Van Dijk u përgjigj:
“Përse Cristiano Ronaldo ishte një rival? Nuk mendoj kështu”- tha ai.
