Një ekip ndërkombëtar ekspertësh prej dy ditësh ka mbërritur në Shqipëri, për të mbledhur prova dhe fakte, lidhur me dëmet e shkaktuara nga tërmeti i 26 nëntorit, ku mbetën viktima 51 qytetarë dhe u plagosën e lënduan disa qindra të tjerë.
Ndërkohë që në terren vijon kontrolli i ndërtesave të dëmtuara, prokuroria e Durrësit, Tiranës dhe Krujës ka nisur një hetim. Në anën tjetër IKMT ka nisur procesin e shembjes së godinave më të dëmtuara dhe që përbënin rrezik për qytetarët.
Gazetari Erl Kodra njofton përmes rrjeteve sociale se ekipi ndërkombëtar i ardhur në Shqipëri po mbledh prova të materialeve të mbetjeve të ndërtesave në Tiranë, Durrës, Krujë, Laç e Lezhë.
Gjithashtu gazetari duke iu referuar burimeve të tij thotë se provat po mblidhen në disa drejtime, përfshirë emrat e kompanive të ndërtimit, emrat e prodhuesve të lëndës së parë të përdorur për ndërtim, importuesve të hekurit, projektuesve, zbatuesve, si dhe çdo dokumentacion tjetër që lidhet me ndërtesat e shkatërruara nga tërmeti.
“”Inspektorët” po dokumentojnë gjithçka nëpërmjet filmimit dhe fotografive, përfshirë edhe lëvizjet e ish Kryebashkiakut të Durrësit, Vangjush Dako dhe ish Kryebashkiakut të Tiranës, Edi Rama.
Burimi tha se të gjitha këto prova do të përdoren në një mega proces penal që pritet të fillojë shumë shpejt, që padyshim do të jetë procesi i shekullit”, shkruan gazetari në faqen e tij në rrjetin social.
Ja postimi i plotë i Erl Kodra
Një burim i mirëinformuar dhe konfidencial (për shkak se profilit të lartë të informatorit, burimi nuk mund të identifikohet) njofton se prej dy ditësh ka mbërritur në Shqipëri një ekip ndërkombëtar ekspertësh nga vendet aleate, që po mbledh të dhëna, prova dhe fakte, përfshirë edhe prova materiale të mbetjeve të ndërtesave të shkatërruara nga tërmeti i 26 Nëntorit në Tiranë, Durrës, Krujë, Laç dhe Lezhë. Burimi tha se provat po mblidhen në disa drejtime, përfshirë emrat e kompanive të ndërtimit, emrat e prodhuesve të lëndës së parë të përdorur për ndërtim, importuesve të hekurit, projektuesve, zbatuesve, si dhe çdo dokumentacion tjetër që lidhet me ndërtesat e shkatërruara nga tërmeti.
“Inspektorët” po dokumentojnë gjithçka nëpërmjet filmimit dhe fotografive, përfshirë edhe lëvizjet e ish Kryebashkiakut të Durrësit, Vangjush Dako dhe ish Kryebashkiakut të Tiranës, Edi Rama.
Burimi tha se të gjitha këto prova do të përdoren në një mega proces penal që pritet të fillojë shumë shpejt, që padyshim do të jetë procesi i shekullit.
“Ne e dimë se në industrinë e ndërtimit është e përfshirë mafia shqiptare dhe ndërkombëtare. Industria e ndërtimit ka shërbyer edhe si lavatriçe e parave të përfituara nga trafiku dhe korrupsioni.
Të dhënat që po mbledhim do të përpunohen dhe kryqëzohen me të dhënat e partnerëve të agjensive të huaja. Tërmeti i fundit është një minierë e vërtetë për ngritjen e akuzave shumë të rënda penale për personazhe të njohur të mafias shqiptare, por edhe lidhjet politikanëve me krimin e organizuar. Ne konstatojmë se nga pikëpamja penale provat e grumbulluara janë eksplicite. Ne jemi duke kryer një volum pune të jashtëzakonshëm.”- tha burimi i mësipërm.
