Kryeministri Rama zhvilloi mëngjesin e djeshëm mbledhjen e jashtëzakonshme të Këshillit të Ministrave pas tërmetit tragjik dhe shpalljes së emergjencës në Tiranë, Durrës, Lezhë dhe në Laç. Kreu i qeverisë zbuloi emrat e personave që do të përfitojnë një pension special pasi humbën familjarët e tyre nga tërmeti.
“Sot miratojmë dy projektvendime si fillim për një trajtim të posacëm financiar lidhur me fatkeqët më të mëdhenj në këtë histori që kanë nevojë për një ndihmë me karakter të përhershëm, për të gjithë jetën. Si rezultat tragjedisë që u ka shkatërruar familjen dhe për ata që janë në moshë të thyer dhe përvec pensionit të tyre duhet të ndihmohen me një trajtim plus sa tetëfishi i pensionit social dhe i barabartë me pensionin e posaçëm që në masën më të lartë shkon në 60 mijë lekë të reja” tha Rama.
Lista e personave që përfitojnë nga 100 mijë lekë në muaj për të gjithë jetën:
- Lindita Cara
- Albert Cara
- Aleks Çupi
- Albert Lala
- Denisa Greku
- Marjana Rexhepi
- Femi Vata
- Pranvera Qato
Kryeministri theksoi se do të ketë një trajtim special plus pensionit prej 60 mijë lekë në muaj për ata që janë më të moshuarit në këto familje.
