47-vjeçari laçjan, Artur Gjini, ishte në të njëjtin hotel me Hermesin, gjatë kohës që ndërhyri policia. Gjini u arrestua në orët e para të mëngjesit të 24 nëntorit, në të njëjtën dhomë me Hermes Nikajn dhe 20-vjeçaren e identifikuar si Denisa Neli.
Një kërkim i thjeshtë në rrjetet sociale dhe shikohet se ai është simpatizant i një jete luksi dhe gjithmonë në praninë e makinave të shtrenjta.
Si çdo laçjan i fiksuar pas makinave të shtrenjta dhe bishave luksoze, Artur Gjini e shijonte jetën në maksimum me çanta firmato, hapje shishesh në klube të ndryshme të Tiranës dhe dreka e darka nëpër restorante të ndryshme, raporton ‘Dosja.al’.
Bazuar në postimet e bëra nga vetë Gjini në rrjetet sociale, 47-vjeçari shihet që zotëron edhe një pikë servisi për automjetet e llojit “BMW”.
Ngjarja e bujshme e këtyre ditëve ku i përfshirë është dhe ‘Zogu’, ka të bëjë me zbulimin e një rrjete prostuticioni.
Mbi të pandehurin Hermes Nikaj rëndonin akuzat e rënda se ai siguronte vajzat për klientë në hotele dhe banesa të ndryshme në kryeqytet, deri në 20 mijë lekë për dy orë.
Para gjyqtares Shefkia Demiraj, e cila caktoi 15 ditë burg për Nikajn dhe liroi parukieren Anjeza Bena (e shoqëruar gjithashtu si e përfshirë në të njëjtën skemë), Nikaj tha se nuk ka shfrytëzuar askënd dhe se gjithçka bëhej me dëshirë.
Nga grupi në të cilin bënte pjesë ‘Zogu’ ofrohej dhe shërbimi eskortë dhe seks në grup. Nga detajet e zbardhura nga ‘Dosja.al’ u mësua se pjesë e klientëve të tyre kanë qenë edhe trupat diplomatike, për të cilët ende nuk dihen detaje.
